Mapamentu partisipativu

Saida Maka importansia husi Mapamentu partisipativu ?

Mapamentu partisipativu nudar metodolojia mapamentu ida ne’ebe hatu’ur komunidade sai  hanesan autor halo mapa ba sira nia area, nomos sei sai hanesan autor dezenvolve planu ba sira nia rai rasik, tanba komunidade nebe moris no hela iha fatin ne’e mak iha koñesementu klean kona ba rai nebe sira hela ba, nune’e sira maka bele halo mapa kompletu ho informasaun ne’ebe klaru no detallu konaba historia rai, utilizasaun rai, hanoin ba moris iha rai nia leten nomos esperansa ba futuru.

PRINSIPIU MAPAMENTUPARTISIPATIVU 

• Mapamentu partisipativu nia prinsipiu mak involvimentu komunidade hodi halo rasik mapa ba sira nia area ka hela fatin. 
• Komunidade mak desidi rasik topiku mapamentu no nia objetivu. 
• Komunidade mak desidi prosesu nebe sei hala’o. 
• Prosesu mapementu no mapa nebe produs nia objetivu ba interese tomak   komunidade nian. 
• Informasaun nebe hakerek ihamapa laran barak liu tenke mai husi komunidade. 
•  Komunidade rasik mak desidi utilizesaun mapa nebe produs.

APLIKASAUN METODOLOJIA MAPAMENTU PARTISIPATIVU

Aplikasaun   mapamentu  partisipativu nudar meus foun ne’ebe Mata Dalan Institute  uza hodi involve komunidade sai autor prinsipal ba kolekta informsaun ne’ebe tau iha mapa nia laran. Liu husi aplikasaun metodolojia ne’e dezemvolve relatoriu ne’ebe komprehensivu ba komunidade hodi utiliza ba halo planu dezemvolvimentu ne’ebe komunidade sira persiza tuir kondisaun real ne’ebe iha teritoriu nia laran.

Liu husi mapamentu partisipativu ne’e bele fo motivasaun bo’ot liu ba komunidade atu partisipa direita ba iha prosesu dezemvolvimentu hodi nune’e bele kria tranparensia no akuntanbilidade sosial.

Ezemplu aplikasauna mapamentu partisipativu ne’e Mata Dalan Institute hala’o ona iha Suco Guiso no Suco Namolesu ho nia rezutadu produsaun mapa mak hanesan tuir mai

Le'e Kontinua »

Saida Mak Planu Nasional Dezenvolvimentu Suku ( PNDS )

Saida mak PNDS?

Politikamente PNDS nudar jestu estratejia Governo nian nebe hahu dezemvolve prosesu ne’e iha tinan 2012 Ho baze legal rezolusaun Governo Nu. 1/2012 loron 25 de Janeiro.  PNDS nia objetivu mak  Atu hadi’ak kondisaun sosio-ekonómiku no governasaun lokál di’akliu ba mane no feto sira iha suku iha Timor Leste liu husi konstrusaun infraestrutura ne’ebé sira rasik mak jere “ ho prinsipiu Ema servisu hamutuk hodi hadia suku liu husi planu nebe mak komunidade rasik difini prioridade dezemvolvmentu bazeia ba sira nia nesesidade hanesan infrastruktura baziku (be’e mos, estrada, irrigasaun, sentru komunidade nst).

Se mak sei jere PNDS?

Atu jere prosesu tomak PNDS ne’e la’o ho susesu governo liu husi Ministeriu Administasaun Estatal kria ona kondisaun oi-oin hodi forma struktura  hahu husi: Sekretariadu Nasional PNDS, Ekipa Distrito PNDS, ekipa PNDS Distrito, Fasilitador PNDS Sub-Distrito no komposisaun struktura 
PNDS iha Suco mak hanesan: Komite Planeamento no Akuntabilidade (KPA), Ekipa Implementasaun Projetu (EIP), Ekipa Jestaun Suku (EJS), Ekipa Operasaun no Manutensaun (EOM) nomos Fasilitador Suco (FS) Sira ne’e mak sei hanesan responsabel tekniku ba iha implementasaun PNDS hamutuk ho komidade tomak mak sai hanesan autor prinsipais jere no maneiza planeamentu no implementasaun PNDS. 

Se mak sei halo implementasaun projetu PNDS? 

Komunidade tomak servisu hamutuk hodi planu, hari’i no maneja  Infrastrutura.  Partisipasaun ativa husi ema hotu hotu – la´os mane deit – feto no mane no grupu vulnerábel sira Ita boot sei halo planu, harii no maneja ita boot nia projetu rasik, duke depende deit ba konstrator sira atu hari’i  Komunidade sira iha kbiit  no abilidade projetu ne´e sei hari’i ho kbiit sira ne´e. 
Partisipasaun komunidade nian ho kapasidade planeamentu no Jesatun infraestrutura lokal sai hanesan baze fundamental ne’ebe improtante husi prosesu implementasaun  ba Planu Nasional Dezenvolvimentu suku nia.

Baze Fundamental Hodi Implementa Politika PNDS 

• Lei Nú. 3/2009, 8 Jullu (Lideransa Tradisionál) 
• Dekretu Lei Nú. 4 /2012, 15 Juliu (PDID) 
• Rezolusaun Governu Nú. 1/2012, 15 Janeiru (Aselera Dezenvolvimentu Komunitária) 
• Diploma Ministeriál Konjuntu Nú. 22/2012, 27 Juñu (Kommisaun Inter-Ministeriál no Grupu Traballu  Tekniku Inter-Ministeriál) 
• Dekretu Lei PNDS Nú. 08/2013, Abríl 2013

Lei ka enkuadramentu legal ne’ebe mensiona iha leten mak sai hanesan ka

Rejime regulatoriu ida ba Governu RDTL hodi implemeta Planu Nasional

Dezenvolvimentu Suku nia. Lei hirak ne’e hotu submete ba konstituisaun

RDTL artigu 5. (Desentralizasaun), artigu. 71 ( Organizasaun Administrativa),

No Artigu 72 ( Poder Lokal).

Orsamentu hirak mak aloka  ba PNDS no kada suku ?

Fundus Nasionál maizumenus US$ 294.3 millaun durante períodu tinan ualu. Subsídiu Suku Anuál, montante minimu        US$ 40,000 no montante masimu  US$. 70,000 no kompostu husi fundus rua :

¨ Subsídiu Operasionál – atu suporta formasaun, sorumutu, insentivu, administrasaun no kustu seluk

¨ Subsídiu Infraestrutura ba atividade konstrusaun inklui sosa materiál konstrusaun no traballador sira

Fatores Xave ba Alokasaun Subsídiu Suku

¨ Distánsia hosi Kapitál Distritu

¨ Númeru populasaun

 

 

Le'e Kontinua »